Eduki nagusira joa

Nabigazio-menura joan

Hizkuntza aukera

Nabigazio-menura joan

ERRESERBATU

HOTELA LUXUZKO HOTELA GIPUZKOAN – EUSKAL HERRIAN
BOUTIQUE HOTELA

Iriarte Jauregia hotela XVII. mendeko jauregia da, eta xehe-xehe zaharberritu zen, gehieneko erosotasuna eta atsedena eskaintze aldera.
Barneko diseinua iraganaren eta orainaren arteko fusioaren emaitza da. Egungo piezekin konbinatzen dira bertako altzari zaharrak eta egurra, harria, kristala eta burdina bezalako elementu nobleak, giro intimoa eta lasaigarria sortuz horrela.<

LOGELA XARMAGARRIAK

Nortasuna eta ikuspegi zoragarriak dituzten 21 logela, eta, horietan, sentsazio oso atseginak sorrarazten dituzte materialek, ehundurek, koloreek eta xehetasunek.

HOTEL GASTRONOMIKOA

Gastronomia da gure irrika, eta toki handia hartzen du Iriarte Jauregian. Bailara Restaurant jatetxeko sukaldaritzak ezin hobeto deskribatzen du gure izatea bera: tradizioa eta berrikuntza, nortasuna eta sormena.<

OSPAKIZUNAK, EZKONTZAK ETA EKITALDIAK

Naturak, bailara berdeak, ehun urtetik gorako zuhaitz ikaragarriak dituen lorategi zainduak eta ikuspegi zoragarriek eragiten duten lasaitasuna agertoki aparta da egun berezi bat ospatzeko.
Ezin hobea beren ideiak eta ilusioak egia bihurtu eta oroitzapen ahaztezinak sortu nahi dituzten horientzat.
Ezkontza intimoak, urteurrenak, familia-topaketak, festa pribatuak, koktelak…
Giro esklusibo eta pribatua eskaintzen dugu, lorategia ospakizunak aire zabalean egiteko, gehienez ere 45 pertsonarentzako lekua duen jantokia, goi-mailako sukaldaritza eta xehetasun guzti-guztiak zaintzen dituen zerbitzua.

ENPRESAKO BILERAK

Zure eskura jarriko dugu gehienez ere 18 pertsona har ditzakeen aretoa. Bertan, zure aurkezpena edo lan-jardunaldia antolatzeko behar diren erosotasun eta ekipamendu guztiak aurkituko dituzu.
Gure hotelaren ingurunea eta instalazioak hobeezinak dira kontzentratu eta lanaldiari gehienezko etekina ateratzeko, bai eta, aldi berean, aisialdi eta lasaitasun uneez gozatu ahal izateko ere.
Exekutiboentzako menuak, menu bereziak, coffe-breakak, enpresa-pizgarriak, jarduera gastronomikoak, sukaldaritza eskolak… behar duzun guztiaren gainean emango dizugu aholku.

HOTELA ESKLUSIBAN EUSKAL HERRIAN

Tamainari eta kokapenari erreparatuta, Iriarte Jauregia Hotela aukera ezin hobea da osotasunean eta esklusiboki erreserbatua izateko; pribatutasun osoan, segurtasuna eta zerbitzu pertsonalizatua eskaintzen ditu, zuen beharren arabera.
Ospakizun esklusiboetarako leku ezin hobea aurkituko duzu, hala nola amesteko ezkontza bat, lagunekin edo familiarekin bilera bat, urtebetetze ahaztezin bat, cocktail bat edo enpresa-pizgarri bat.
Gure profesionaltasunak eta xehetasunekiko zaletasunak, kokagune ikusgarriarekin batera, bere ideiak gauzatzeko esparru ezin hobea sortzen dute.

Zure esanetara jartzen ditugu:

  • 21 logela
  • Lorategi pribatu zabala, edozein ospakizunerako
  • Ospakizun eta cocktailak egiteko ikuspegi panoramikoak dituen terraza
  • Barruko jangela, gehienez 45 lagunentzat
  • Bailara jatetxe gastronomikoa, aholkularitza pertsonalizatuarekin
  • Bistró IJH jatetxe tradizionala
  • Barruko edo kanpoko snack-bar zerbitzua
  • Aire zabalean dagoen aparkaleku pribatua
  • Hainbat zerbitzutara egokitu daitezkeen espazioak eta aretoak
  • Mugikortasun urriko pertsonentzako sarbide egokituak.

LUXUA NATURA BETE-BETEAN

Gure zerbitzu eta espazio guztiak daude pentsatuta zure egonaldiaz ahalik eta gehien gozatu ahal izan dezazun:

  • Ehun urtetik gorako zuhaitz baten azpian erlaxatzeko lorategi zabala.
  • Snack-Bar zerbitzua duen terraza, eguzkia sartzen ikusi bitartean kopatxoa har dezazun.
  • Eguraldiak lagunduz gero, kanpoan gosari desiragarriaz gozatzeko terraza.
  • BAILARA. Esperientzia ahaztezina bizitzen lagunduko dizun egile-sukaldaritza duen gure jatetxe gastronomikoa. (Dastatzeko menua)
  • BISTRÓ IJH. Gure sukaldaritzaren bertsio tradizionala.
  • Bar. Erlaxatzeko, zure edaririk gogokoena hartzeko, ordenagailuarekin lan egiteko edo, afaltzera joan aurretik, hitzordua egiteko tokia da.
  • Doako kanpoko aparkalekua ibilgailu elektrikoak kargatzeko guneekin.
  • Doako wifia.
  • Harrera 24 orduz.
  • Turismo informaziorako eta erreserbak egiteko laguntza zerbitzua.
  • Ez erretzaileentzako hotela (hotel barruko logelak eta guztiontzako eremuak).
  • Igogailua.
  • Mugikortasun murriztua duten pertsonentzako sarbideak eta guztiontzako eremuak.
  • Maskotak onartzen ditugu, hala eskatuta bakarrik eta baldintza berezietan.
  • Txakur bakarra gela bakoitzeko. 15€/gaua. Baldintzak kontsultatu.
  • Masaje-zerbitzua. Massay osasun masaje-zentroarekin dugun lankidetzari esker, zure logelaren intimitatean gozatu ahal izango dituzu edertasun eta luxuzko ongizaterako tratamenduak (hala eskatuta bakarrik, eta goi-mailako logeletan eta suitean).

Check-in/Check-out:

Check-in ordutegia: 14:00etatik aurrera.
Check-out ordutegia: 12:00ak arte.

Eskuragarritasunaren mendeko eskaerak:

  • Helduentzako ohe gehigarria– 45€
    (goi-mailako logeletan eta suitean bakarrik)
  • Haurrentzako ohe gehigarria (12 urte arte) – 35€
    (goi-mailako logeletan eta suitean bakarrik)
  • Sehaska (2 urte arte): Doakoa
  • Egokitutako logela: Hala eskatuta
  • Maskotak: Eskaerapean. 15€ Baldintzak kontsultatu.

ERRESERBATU ZUZENEAN GUREKIN ETA GOZATU ABANTAILA ESKLUSIBOEZ

  • Onlineko prezio onena bermatuta. 
  • Prezio merkeagoa topatzen baduzu, berdindu egingo dugu eta % 10eko beherapen gehigarria aplikatuko dugu
  • Esperientzia eta eskaintza paregabeak izango dituzu gure webgunean. 
  • Arreta pertsonalizatua. Zure beharrak eta lehentasunak kontuan hartuko ditugu. 
  • Erreserba egiteko prozesu erraza eta segurua. Erreserbatu orain eta ordaindu irteerako unean. 
  • Irteera presarik gabe, 13:00etara arte (disponibilitatea baldin badago eta aurrez harreran berretsita)
  • % 10eko beherapena garbitegi-zerbitzuan

(*)
Beste webguneren batean prezio merkeagoa topatuz gero (erreserba egin eta 24 orduko tartean), topatutako tarifa berdinduko dugu eta % 10eko beherapen gehigarria aplikatuko dugu. 
Adibidez:
www.iriartejauregia.com webgunean egindako erreserba baten prezioa: 200 €
Legezko beste webgune bateko prezioa (24 orduko tartean): 190 €
Prezio berria (berdinduta + beherapena): 171 € 
* % 10eko beherapen gehigarria ostatu-tarifari soilik aplikatuko zaio, ez da aplikatuko egonaldian zehar kontratatutako gainerako zerbitzuetan. 

Oso garrantzitsua: 

  • Beste webgunean topatutako prezioarekiko aldeak, guztira, 5 € baino gehiagokoa izan beharko du. 
  • Beste webgune batean topatutako tarifaren baldintzek www.iriartejauregia.com webgunean erreserbatutako tarifa garbiaren baldintzekin zehatz-mehatz bat etorri behar dute. 
  • Logela mota bera
  • Iraupen eta egonaldi-data berak
  • Erreserba baliogabetzeko eta aldatzeko baldintza berak
  • Ostatu hartutako lagunen kopuru bera
  • Dibisa eta lotutako zerga berak

Ez da prezioa berdinduko eta ez da % 10eko beherapen gehigarria aplikatuko kasu hauetan: 

  • Tarifak publikoki bermatuta ez badaude
  • Tarifak aurrez negoziatuta baldin badaude (bilerak, ekitaldiak eta abar)
  • Taldeetarako tarifak badira
  • Enpresetarako tarifak badira
  • Salmenta pribatuko kluben bidez egindako erreserbak badira
  • Aurreordainketako tarifekin egindako erreserbak badira

Nola eskatu tarifa berdintzea eta % 10eko beherapena: 

  • Gurekin harremanetan jarri beharko duzu 943681234 telefonoan edo  www.iriartejauregia.com gure webguneko harremanetarako formularioaren bidez zure erosketa egin eta 24 orduko epean eta hotelera iritsi baino 24 ordu lehenago
  • Ezinbestekoa da guk beste webgune bateko prezioaren aldea egiaztatu ahal izatea. 
  • Ahal bada, webgunea aztertuko dugu unean bertan edo topatutako tarifa merkeenaren pantaila-irudi bat eskatuko dizugu, gure hotelaren izena irakurtzeko moduan, tarifa horren data eta ordua ikusten direla.